Студент-насаатчы
|
АБУБАКР НИМАТОВ “Бизнести башкаруу” адистиги, BA-124 “Ар дайым мүмкүнчүлүктөрдү издеңиз жана окуу жылдарында активдүү болуңуз. Анткени дал ушул жылдар сиздин жашооңузду өзгөртөт" Абубакр Ниматов БААУда "Бизнести башкаруу" факультетинин 3-курсунун студенти. Ал студенттерге ишенимдүү академиялык колдоо көрсөтүүнү жана Академиялык кеңеш берүү борборунун демилгелерине катышууну каалайт. Абубакрдын студент-насаатчы болуусунун негизги себеби - бул билим жана тажрыйба бөлүшүү каалоосу жана Жазуу жана академиялык ресурстар борборунун окутуучусу болуп иштеп жүргөндө топтогон тажрыйбаларын колдонуу менен, университеттин коомчулугуна дагы бир олуттуу салым кошуу. Link to this block: /kg/p6279647905/#b1456 |
|
АДЕМИ АКЫЛБЕКОВА “Бизнести башкаруу” адистиги, BA-123 «Баарын сынап көрүүгө арзыйт: колуңдан келгендин баарын жаса, калганы Кудайдан» Акылбекова Адеми “Бизнести башкаруу” факультетинин 4-курсунун студенти. Ал таттуу жебесе да, таттуу бышырууну жакшы көрөт жана кол өнөрчүлүк менен алектенет. Жакында эле чуркоону баштаганына карабастан, эки жөө жарышка катышып, эки медалга ээ болгон. Адеми сандарды, күздү, латтени жана мышыктарды жакшы көрөт. Ал студент-насаатчы катары жаңы студенттерге университеттик жашоого көнүүгө жардам берген ролун абдан баалайт. Анткени 1-курста өзү үчүн университетти, кабинеттерди, курстарды жана окутуучуларды таанып-билүү кыйын болгондуктан, Адеми студенттер жана анын кеңеш алуучулары ошондой көйгөйлөргө туш болбошу үчүн болгон аракетин жумшагысы келет. Link to this block: /kg/p6279647905/#b1455 |
|
АЙЖАНА УСЕНКУЛ “Журналистика жана массалык коммуникация” адистиги, JOUR-123 "Ар бир адам кыялындагы адам болууга аракет кылып, тоскоолдуктарды жолуктурат. Адамдын ченеми - ал канчалык деңгээлде кыялындагы адам боло алганында" Айжана Усенкул “Журналистика жана массалык коммуникация” факультетинин 4-курсунун студенти. Бош убактысында китеп окуганды, ар кандай жанрдагы тасмаларды көргөндү, бийлегенди, сүрөт тартканды жана күндөлүк жазганды жакшы көрөт. Бул иш-аракеттер ага өзүн көрсөтүүгө жана чыгармачылык эргүүсүн сактоого жардам берет. Ал студенттик иш-чараларга катышууну, Академиялык кеңеш берүү борборунун иш-чараларын ишке ашырууга жардам берүүнү жана достук жана колдоо коомчулугун түзүүгө көмөктөшүүнү каалайт. БААУнун 1-курсунда окуу канчалык татаал болушу мүмкүн экенин өз тажрыйбасынан билип, Айжана өзүнүн билимин бөлүшүп, жаңы студенттерге өздөрүн керектүү жана ишенимдүү сезүүгө жардам берүүнү каалайт. Link to this block: /kg/p6279647905/#b1454 |
|
АКБАР АЙТЕМИРОВ “Эл аралык жана бизнес укук” адистиги, IBL-123 «Бүгүн бир нерсе кыл, эртең өзүңө ыраазы болосуң» Айтемиров Акбар “Эл аралык жана бизнес укугу” факультетинин 4-курсунун студенти. Ал ар түрдүү маданий чөйрөдөн келген студенттер менен иштегенди жакшы көрөт жана ар ким бири-биринен жаңы нерсени үйрөнө ала турган академиялык чөйрө түзүүгө умтулат. Акбар студенттерге академиялык суроолор боюнча жардам берүүгө, акыркы жылдары топтогон билим жана тажрыйбасы менен бөлүшүүгө, ошондой эле каалоосу бар студенттер менен жөн гана сүйлөшүүгө ар дайым даяр. Link to this block: /kg/p6279647905/#b1453 |
|
АЛИНА АБАСОВА “Программалык камсыздоо” адистиги, SFW-123 «Эртең болбой калышы мүмкүн, ошондуктан бүгүнкү күн менен жаша» Абасова Алина “Программалык инженерия” факультетинин 4-курсунун студенти. Ал математика сабагынан күчтүү жана угуу көндүмү мыкты болгондуктан , ошондуктан Жазуу жана академиялык ресурстар борборунда студент-окутуучу болуп иштейт. Алина активдүү спорт түрлөрүн жакшы көрөт, мисалы, тоого чыгууну жана велосипед тебүүнү, бирок азыр ага убактысы азыраак. Спорттон тышкары, ал үстөл оюндарын, компьютердик оюндарды, телефон оюндарын жактырат. Link to this block: /kg/p6279647905/#b1452 |
|
АЛТЫНАЙ ОРОЗБАКОВА “Телевидение, кино жана медиа искусство” адистиги, TCMA-123 "Талыкпаган эмгек сага эч качан чыккынчылык кылбайт" Алтынай Орозбакова "Телевидение, кино жана медиа искусство" факультетинин 4-курсунун студенти. Ал ар кандай багыттарды үйрөнүүнү, жаңыны сынап көрүүнү жана ар бир тапшырмага чыгармачылык менен мамиле кылууну жакшы көрөт. Ал студент-насаатчылардын жолугушууларына катышып, студенттердин муктаждыктарын угуп, академиялык жана сабактан тышкаркы маселелерге ылайыктуу чечимдерди табууга жардам бергиси келет. Алтынайдын студент-насаатчы болуусунун негизги себеби - башкаларга жардам берүү жана университеттин жашоосун жеңилдештирүү үчүн өз тажрыйбасын колдонуу. Link to this block: /kg/p6279647905/#b1451 |
|
АЛТЫНАЙ САРЫКОВА “Экономика” адистиги, ECO-123 "Кызыгуу" Алтынай Сарыкова БААУнун "Экономика" факультетинин 4-курсунун студенти. Ал жаңы адамдар менен таанышууну жана башкаларга университеттин мүмкүнчүлүктөрүн максималдуу пайдаланууга жардам берүүнү жакшы көрөт. Тайвандагы Сунь Ятсен атындагы улуттук университетте алмашуу семестринин жүрүшүндө, ал жаңы маданият менен таанышып, ар кайсы өлкөлөрдөн келген студенттер менен таанышкан. Ал ошондой эле Уорик университетинин онлайн тил алмашуу программасына катышып, маданияттар аралык байланыш көндүмдөрүн өркүндөткөн. Ал Академиялык кеңеш берүү борборунда студенттик алмашуу программалары тууралуу маалымат таратууну, иш-чараларды уюштурууга жардам берүүнү, жергиликтүү жана чет элдик студенттерди колдоону, ошондой эле БААУнун көбүрөөк студенттерине алмашуу программаларына катышууга түрткү берүүнү каалайт. Ал студент-насаатчы болуу менен бирге маанилүү байланыштарды түзүп, өз коомчулугун кеңейтүү жана 1-курстун студенттерине өздөрүн каалагандай сезүүгө жана керектүү колдоо алууга жардам берүүнү ниет кылат. Ал кызыгуу өнүгүүгө, жаңы мүмкүнчүлүктөрдү ачуу менен бирге жаркын жана мааниге толгон жашоону курууга жардам берет деп ишенет. Link to this block: /kg/p6279647905/#b1450 |
|
АРЛЕН СЕИТАЛИЕВ “Колдонмо математика жана информатика” адистиги, AMI-123 «Сен эмне билем деп ойлойсуң жана эмне үчүн билем деп ойлойсуң?» Арлен Сеиталиев “Колдонмо математика жана информатика” факультетинин 4-курсунун студенти. Ал интроверт жана бейтааныш чөйрөдө отурганча онлайн баарлашууну жактырат. Көбүнчө убактысын китеп окууга, видео оюндарды ойноого же манга окууга жумшайт. Жалпысынан ал популярдуу илимий темаларга кызыгат. Анын студент-насаатчы болуудагы негизги кызыгуусу - студенттерге окууда да, жеке жашоосунда да кыйынчылыктарды жеңүүгө чын дилинен жардам берүү. Арлен 1-курста окуп жүргөндө, анын насаатчылары аны колдоп, шыктандырып, университеттик жашоого кантип көнүү керектигин көрсөтүшкөнүн эстейт. Студент-насаатчы болуу Арлен үчүн алган колдоону жана жардамды кайтарып берүүнүн бир жолу деп билет. Link to this block: /kg/p6279647905/#b1447 |
|
АТАЙ ДЖИРГАЛБАЕВ “Программалык инженерия” адистиги, SFW-123 "Түзүү, адамдарга жардам берүү жана үйрөнүүнү улантуу" Атай Жыргалбаев БААУнун "Программалык инженерия" факультетинин 4-курсунун студенти. Окуу менен катар Жазуу жана академиялык ресурстар борборунда программалоо боюнча репетитор болуп иштейт жана программалык долбоорлорду иштеп чыгат, ошондуктан студенттик жашоонун кыйынчылыктарын да, кызыктуу жактарын да жакшы билет. Эл аралык программаларга жана иш-чараларга катышуу аркылуу ар кандай маданияттардын өкүлдөрү менен баарлашып, көп нерселерди үйрөнүп келет. Ал Академиялык кеңеш берүү борборунда студенттерге академиялык траекторияны курууга, өз ара колдоо жолугушууларын өткөрүүгө жана курстар, окуу жүктөмү жана окууну жеке долбоорлор менен айкалыштыруу жөнүндө практикалык кеңештерди бергиси келет. Окутуучулук жана насаатчылык тажрыйбасы аркылуу окуунун 1-бөлүмүндө жеткиликтүү жана түшүнүктүү студенттердин колдоосу канчалык маанилүү экенин белгилейт. Link to this block: /kg/p6279647905/#b1446 |
|
ДАСТАН ИБРАГИМОВ “Социология” адистиги, SOC-224 "Суроо, үйрөнүү жана жаңы билим алуу үчүн эч качан кеч эмес" Дастан Ибрагимов БААУнун "Социология" факультетинин 3-курсунун студенти. Ал жарандык активист, укук коргоочу жана активдүү студент жана изилдөө иштерине ынтызар. Ал студенттерге университетке байланыштуу маселелерди чечүүгө, анын ичинде курстарга каттоого жардам берүүнү жана студенттик тажрыйбаны жакшыртууда Академиялык кеңеш берүү борборуна көмөктөшүүнү каалайт. Дастан студент-насаатчы болуп, студенттерди колдоону каалайт. Link to this block: /kg/p6279647905/#b1445 |
|
ДЕНИЗ АБДУЛДАБЕКОВА “Телевидение, кино жана медиа искусство” адистиги, TCMA-224 "Татаал дүйнөдө жөнөкөй жашоо" Дениз Абдулдабекова БААУдагы "Телевидение, кино жана медиа искусство" факультетинин 4-курсунун студенти. Ал Германияда кышкы студенттик алмашуу программасынын жүрүшүндө чакан шаарда окуган жана ар кандай суроолорго жоопторду жана ошондой эле колдоону башка студенттер менен университеттин кызматкерлеринен алган. Бул тажрыйба Денизди өзү башкаларга жаңы чөйрөгө көнүүгө жардам берген адам болууга шыктандырган. Ал Академиялык кеңеш берүү борборунун бардык иш-чараларына катышкысы келет жана кенже курстарда окуган студденттерди колдоо жана тиешелүү иш-чараларды уюштуруу менен бирге университетке салым кошкусу келет. Дениздин студент-насаатчы болуу чечиминин негизинде жаңы студенттер менен таанышуу жана аларга түшүнбөстүктөрдү чечүүгө жана өзү туш болгон кыйынчылыктарды жеңүүгө жардам берүү каалоосу турат. Link to this block: /kg/p6279647905/#b1444 |
|
ЭМИР МАРДОНКУЛОВ “Эл аралык жана бизнес укугу” адистиги, IBL-125 "Мен эч нерсе билбээримди билем" Эмир Мардонкулов “Эл аралык жана бизнес укугу” факультетинин 2-курсунун студенти. Ал ар дайым жаңы тажрыйбага ачык болуп, көп жолу эл алдында сахнага чыгып, сабактан тышкаркы иш-чараларга активдүү катышып келет. Ал студент-насаатчы катары ишин жаңы нерсени үйрөнүүнүн дагы бир мүмкүнчүлүгү катары кабыл алып, студенттерге жана Академиялык кеңеш берүү борборунуна максималдуу пайда алып келе турган ар кандай ролду аткарууга даяр. Ал эгер ар бир адам мүмкүн болсо башкаларга жардам берсе, дүйнө боорукер боло алат деп ишенет жана билими бар адам аны башкалар менен бөлүшүүгө милдеттүү дейт. Link to this block: /kg/p6279647905/#b1443 |
|
ФАРА САРАНДЖОМОВА “Эркин өнөр жана илимдер”, Адам укугу адистиги, LAS-HR-125 "Бизди өлтүрбөгөн нерселердин баары бизди күчтүү кылат" Фара Саранжомова “Эркин өнөр жана илимдер” факультетинин 2-курсунун студенти. Ал аялдардын укуктарын коргоого жана гендердик теңчиликке ынтызар. Бул кызыкчылыктар анын кесибин тандоого жана саясатты иштеп чыгууга байланыштуу иш-чараларга катышууга таасирин тийгизди. 1-курста ал Женевага барып, ал жерде Бириккен улуттар уюмунун иш механизмдери менен таанышып, Улуттар сарайында болуп, эл аралык мамилелерге болгон кызыгуусун ого бетер күчөттү. Фара Академиялык кеңеш берүү борборунун бардык иш-чараларына катышууга даяр жана өзгөчө график түзүү маселелери боюнча студенттерге кеңеш берүүгө кызыкдар. Анын студент-насаатчы болуусунун негизги себеби - баарлашууга болгон сүйүү жана студенттерге академиялык маселелерди чечүүгө жардам берүү каалоосу. Ал ийгиликке жетишүү көп учурда олуттуу күч-аракетти жана курмандыктарды талап кылат деп эсептейт. Link to this block: /kg/p6279647905/#b1442 |
|
ИКБОЛ АЛЛАХУНОВ “Программалык камсыздоо” адистиги, SFW-123 «Кысым болгондо, биз даярдыгыбыздын деңгээлине чейин түшөбүз» Икбол Аллахунов “Программалык инженерия” факультетинин 4-курсунун студенти. Ал максаттуу жана аракетчил студент болуп, билим алууну, өсүүнү жана командалык ишти баалайт. Башкалардын ийгиликке жетишине жардам бергенди жакшы көрөт жана колдоочу академиялык чөйрөнү түзүүгө ишенет. Анын студент-насаатчы болуудагы негизги себеби - бул студенттерди колдоо, өзүнүн тажрыйбасы менен бөлүшүү жана аларга академиялык жана жеке кыйынчылыктарды жеңүүгө жардам берүү. Ошондой эле Икбол ар бир студент өзүн ишенимдүү сезе турган жылуу жана шыктандыруучу чөйрөнү түзүүгө өз салымын кошкусу келет. Link to this block: /kg/p6279647905/#b1441 |
|
ИЗАТ РЫСКУЛОВ “Бизнести башкаруу” адистиги, BA-125 "Эмне болсо ошол болот" Изат Рыскулов БААУнун "Бизнести башкаруу" факультетинин 2-курсунун студенти. Ал көйгөйлөрдү чечүүнү, жаңы көндүмдөрдү өнүктүрүүнү, ишкердикти жана бизнес стратегияны үйрөнүүнү жана ар кандай турмуштук тажрыйбасы бар адамдар менен кызматташууну жакшы көрөт. Академиялык кеңеш берүү борбору аркылуу ал студенттик иш-чараларга катышууну, башка студенттерге насаатчы болууну жана активдүү жана достук толгон коомчулукту түзүүгө жардам берүүнү каалайт. Ал ошондой эле лидерлик, кесиптик өнүгүү жана эл аралык программалар жаатындагы мүмкүнчүлүктөргө кызыгат. Изаттын студент-насаатчы болуусунун негизги себеби - студенттерге жаңы чөйрөгө көнүүгө жардам берүү каалоосу болуп саналат. Анын турмуштук урааны ага эмне болуп жатканын сабырдуулук менен кабыл алууга жана ага арналган нерсе сөзсүз болооруна ишенүүгө жардам беретю Ал эми окууда ал биринчи кезекте коюлган милдеттерди аягына чейин жеткирүүгө умтулат. Link to this block: /kg/p6279647905/#b1440 |
|
КАМИЛЛА МУРХАМБЕТОВА “Эл аларык жана бизнес укугу” адистиги, IBL-125 "Ар бир жерди сиз келгенге чейинкиден дагы жакшыраак кылыңыз" Камилла Мурхамбетова БААУнун "Эл аралык жана бизнес укугу" факультетинин 2-курсунун студенти. Ал жеткиликтүү мүмкүнчүлүктөр жашоону өзгөртө алат деп эсептейт жана жаштарга алардын келип чыгышына карабастан өз максаттарына жетүүгө жардам берүүгө умтулат. Ыктыярчылыктын, насаатчылыктын жана коомдук долбоорлорду башкаруунун аркасында ал билим берүү жана колдоо узак мөөнөттүү оң өзгөрүүлөрдү түзө аларына ишенет. Камилла Академиялык кеңеш берүү борборунун ишине катышууну, студенттерди насаатчы катары колдоону, иш-чараларды уюштурууну, алмашуу программасына катышуу тажрыйбасы менен бөлүшүүнү каалайт. Анын студент-насаатчы болуусунун негизги себеби - башкалардын ага берген кеңештери жана колдоосу мүмкүнчүлүктөрдү ачууга жардам бергени болуп саналат. Камилла башка студенттерге мындай мүмкүнчүлүктөрдү табууга жана өз максаттарына жетүүгө жардам бергиси келет. Link to this block: /kg/p6279647905/#b1439 |
|
ХАДИЖА ЮСУФЗАИ “Эл аралык жана салыштырма саясат” адистиги, ICP-123 "Аң-сезимдүү үйрөнүп, боорукердик менен жетектеп, ар бир жерди сиз келгенге чейинки убактан дагы жакшы кылыңыз" Хадижа Юсуфзай БААУнун "Эл аралык жана салыштырма саясат" факультетинин 4- курсунун жана “Эл аралык жана бизнес укугу” боюнча кошумча адистиги боюнча окуйт. GHEA21 Global Engagement Fellows программасы жана C5+1 Жаштар кеңеши, анын ичинде академиялык жазуу боюнча окутуучу жана профессордун окутуучу-жардамчысы катары тажрыйбасы, ошондой эле студенттик өзүн-өзү башкаруу жана коомдук долбоорлорго катышуу аркылуу баарлашуу, лидерлик жана насаатчылык көндүмдөрүн өнүктүрүп келет. Академиялык кеңеш берүү борборунда жаңы студенттерге университеттин жашоосуна ыңгайлашууга жардам берип, өз тажрыйбасы менен бөлүшүүгө жана коомдук иш-чараларды уюштурууга катышууга жардам бергиси келет. Башка өлкөдө жашоо жана жаңы академиялык чөйрөгө көнүү Хадижага угууга, колдоого жана кыйынчылыктарды жеңүүгө жардам берүүгө даяр экенин түшүнүүгө жардам берди. Ал студент-насаатчы болуусунун негизги себеби - студенттерге ишенимди өнүктүрүүгө, БААУнун коомчулугунун активдүү мүчөсү болууга жана университеттин жашоо мүмкүнчүлүктөрүн максималдуу пайдаланууга жардам берүү болуп саналат. Link to this block: /kg/p6279647905/#b1438 |
|
КИБРИЁ АЗИЗУЛЛОЕВА “Экологиялык туруктуулук жана климатология” адистиги, ESCS-124 "Эң тынч акылдар эң кыйын ойлорду жаратат" Кибриё Азизуллоева БААУнун "Экологиялык туруктуулук жана климатология" факультетинин 3-курсунун студенти жана кошумча “Антропология жана туруктуу өнүгүү” адистиги боюнча билим алат. Ал БААУнун студенттик жашоосуна активдүү катышууну жана ар кандай студенттик жамааттар менен баарлашууну жакшы көрөт. Ал Академиялык кеңеш берүү борборунунда студенттерге курстарга ишенимдүү каттоодон өтүүгө жана академиялык кыйынчылыктарды жеңүүгө жардам бергиси келет. Тажикстан Республикасынан көчүп келгенден кийин Кибриё университеттин жашоосуна көнүү оңой болбогонун эстеп, жогорку курстун студенттеринин колдоосу канчалык маанилүү болгонун белгилейт. Анын студент-насаатчы болуусунун негизги себеби катары жаңы студенттер башкалардын колдоосун сезип, академиялык же жеке кыйынчылыктар менен жалгыз калбашы үчүн үмүт булагы болуусун айтат. Link to this block: /kg/p6279647905/#b1436 |
|
ЛИЛИЯ ЛУЛАКОВА "Эгер бир нерсе кыйын болсо, анда аны сөзсүз ишке ашыр" Лилия Лулакова БААУнун "Экономика" факультетинин 3-курсунун студенти. Ал жарандык ишмердүүлүк жана ыктыярчылык менен алектенет жана FoRS Youth Club, Кыргызстандын аймактарынан келген жаштарга академиялык жетекчиликти жана колдоону камсыз кылган билим берүү демилгесинин негиздөөчүсү болуп саналат. Ал ошондой эле Жазуу жана академиялык ресурстар борборунда экономика боюнча окутуучу болуп иштейт. Лилия Жарандык активдүүлүк борбору, Кесиптик өнүктүрүү жана Академиялык кеңеш берүү борбору менен биргеликте студенттерге багытталган демилгелерди түзүүнү пландаштырууда. Бул демилгелердин негизинде студенттер Get Engaged конференциясы үчүн жарандык активдүүлүк долбоорлорун иштеп чыга алышат. Студент-насаатчы болууну тандоонун негизги себеби болуп башка студенттерге БААУ берген мүмкүнчүлүктөрдөн пайдаланууга жардам берүү каалоосу саналат. Link to this block: /kg/p6279647905/#b1435 |
|
МАРГАРИТА ЛУЛАКОВА “Эл аралык жана салыштырма саясат” адистиги, ICP-124 "Ыйлаба, анткени ал бүттү. жылмайып, анткени ал болду" Маргарита Лулакова БААУнун "Эл аралык жана салыштырма саясат" факультетинин 3-курсунун студенти. Ал окуу башталгандан бери Академиялык кеңеш берүү борбору менен кызматташууну каалаган, анткени ал бул борборду билимдин, жардамдын жана колдоонун маанилүү булагы деп эсептейт. Экинчи курста 4.0 (GPA) орточо баллын сактап, ошол эле учурда студенттик театрга, ыктыярдуу жана онлайн алмашуу программаларына - Youth Peace Dialogue 2025 жана MUN Kazakhstan - катышкан. Ал ошондой эле Жазуу жана академиялык ресурстар борборунда окутуучу болуп иштеген жана Германиядагы Филипп атындагы Марбург университетинде студенттик алмашуу программасы аркылуу билим алган. Маргарита жаңы студенттерге убакытты башкарууга, окутуунун эффективдүү ыкмаларын табууга, университеттин мүмкүнчүлүктөрү жана ресурстары менен таанышууга жана студенттик алмашуу программаларынын арыздарын даярдоону баштоого жардам берүүнү каалайт. Анын студент-насаатчы болууcунун негизги себеби - бул 1-курстун студенттерине жана башка студенттерге өздөрүн ишенимдүү жана коопсуз сезүүгө жардам берүү жана университетте окуу кыйын жана оор көрүнгөндөрдү колдоо каалоосу. Link to this block: /kg/p6279647905/#b1433 |
|
НАГИМА АРАПОВА “Эл аралык жана бизнес укугу” адистиги, IBL-124 "Өзүңдүн эң жакшы версияң бол. Башка бирөөгө окшошууга аракет кылуунун кереги жок" Арапова Нагима “Эл аралык жана бизнес укугу” факультетинин 3-курсунун студенти. Анын кызыгуулары кеңири: лекцияларга катышуудан жана ыктыярчылыктан баштап, китеп окуу, саякаттоо, мода изилдөө жана жакындары менен жылуу учурларды өткөрүүгө кызыгат. Ал жаңы жана өзгөчө нерселерге тартылат жана ар бир күндөн шыктануу менен кичинекей окуяларды табууга аракет кылат. Нагима колдоо жана кеңеш алуунун канчалык маанилүү экенин өз тажрыйбасынан билет. Башкаларга жардам берүү ага кубаныч тартуулайт жана адамдар менен байланыш түзүүгө мүмкүнчүлүк берет. Студент-насаатчы катары ал Академиялык кеңеш берүү борборунун иш-аракеттерине активдүү катышууну каалайт. Link to this block: /kg/p6279647905/#b1432 |
|
НАЗБИКЕ ТУРГУНАЛИЕВА “Журналистика и массалык байланыштар” адистиги, JMC-124 "Мен кумарланбай жашагандан көрө өлгөндү жакшы көрөм" Назбике Тургуналиева БААУнун "Журналистика жана массалык байланыштар" факультетинин 3-курсунун студенти. Ал баарлашканды жакшы көргөн, активдүү жана позитивдүү инсан. Ал университеттин жашоосуна катышып жана аны өнүктүрүүгө көмөктөшүүнү жакшы көрөт. Назбике 2026-2027 окуу жылында Академиялык кеңеш берүү борборунун бир бөлүгү болуу мүмкүнчүлүгүн чоң сыймык жана көптөгөн жаңы мүмкүнчүлүктөрдү ачкан жоопкерчилик деп эсептейт. Назбикенин студент-насаатчы болуусунун негизги себеби - адамдарды жетектеп, аларга ар кандай маселелерди чечүүгө жардам берүү каалоосу болсо, Академиялык кеңеш берүү борборунун миссиясы анын өз умтулууларына туура келет деп билет. Link to this block: /kg/p6279647905/#b1431 |
|
НОЗАНИН АБДУЛЛОЕВА “Программалык инженерия” адистиги, SFW-124 "Колуңдан келгенди ал жерде кыл" Нозанин Абдуллоева БААУнун "Программалык инженерия" факультетинин 3-курсунун студенти. Бош убактысында ал сейилдөөнү, сүрөт тартууну жана жаңы жерлерди ачууну, адамдар менен таанышууну жана алардын уникалдуу көз караштарын үйрөнүүнү жакшы көрөт. Студент-насаатчы катары Нозанин студенттерге ишенимдүү маалымат берүүнү жана аларга максималдуу колдоо көрсөтүүнү каалайт. Ал графикти түзүүгө, экзамендерди даярдоого жана академиялык стрессти жеңүүгө жардам берүүнү, ошондой эле студенттердин ыңгайлашуусун жеңилдетүү жана алардын жыргалчылыгын колдоо үчүн Арт-терапия клубу сыяктуу демилгелерге катышууну каалайт. Нозаниндин студент-насаатчы болууну чечкен негизги себеби - анын жардам студенттердин ичинде дайыма болушу керек деген ишеними. Ал биринчи курста окуп жүргөндө, жогорку курстун студенттери ага чоң колдоо көрсөтүшкөн, эми ал ошол эле кеңешке жана шыктандырууга муктаж болгондорго жардам берүүнү каалайт. Link to this block: /kg/p6279647905/#b1430 |
|
НУРАЙЫМ АСАНОВА “Экологиялык туруктуулук жана климатология” адистиги, ESCS-124 "Баарынан жакшы боло албайсың, бирок бул эч нерсе кыла албайсың дегенди билдирбейт" Асанова Нурайым “Экологиялык туруктуулук жана климатология” факультетинин 3-курсунун студенти. Ал ой жүгүрткөндү жакшы көргөн, табиятты, билимди жана идеяларды байланыштыра билген дилгир адам. Ал өзүнө чакырык таштоону жакшы көрөт. Мисалы, эссе жазуу, жаңы нерселерди үйрөнүү же чуркоо. Ал өзүн тажрыйбасын башкалар менен бөлүшкөндү жакшы көргөн адам деп эсептейт жана адамдардын өсүшүнө, өзүнө болгон ишенимин арттырууга жардам берүүдө кубаныч табат. Студент-насаатчы катары Нурайым Академиялык кеңеш берүү борборунун иш-аракеттерине катышып, студенттерге өсүү, өнүгүү жана үйрөнүү мүмкүнчүлүктөрүн ачууга жардам бергиси келет. Бул ага өзүнүн да көндүмдөрүн өркүндөтүүгө жана студенттик коомчулукка салым кошууга мүмкүнчүлүк берет. Link to this block: /kg/p6279647905/#b1429 |
|
РУХСАНЕМ БАКИЕВА “Эркин өнөр жана илимдер”, Социалдык ишкердик жана дизайндык ой жүгүртүү жана Бизнести башкаруу адистиктери, LAS-SE-123 "Бардык нерсе мүмкүн. Ал эми мүмкүн эмес нерсе болгону көбүрөөк убакыт талап кылат!" Рухсанем Бакиева “Эркин өнөр жана илимдер” факультетинин 4-курсунун студенти. Ал билим алууга, адабиятка, музыкага жана көркөм өнөргө терең кызыккан чыгармачыл студент, ошондой эле башкаларга билим берүүгө жана адамдарга жаңы көз караштарды ачууга жардам берүүгө өзгөчө дилгир. Рухсанем орус тили боюнча Республикалык олимпиаданын жеңүүчүсү жана «Алтын сертификаттын» ээси болгондуктан БААУда акысыз билим алат. Академиялык жетишкендиктерин улантуу менен, ал ардактуу тизмеге кирген. Анын окуудагы жогорку көрсөткүчтөрү АКШдагы Бард колледжиндеги эл аралык алмашуу программасына катышуусуна шарт түзгөн. Үч жылдык репетитордук тажрыйбасы менен Рухсанем студенттердин кыйынчылыктарын түшүнүү, көйгөйлөрдү аныктоо жана натыйжалуу, колдоочу чечимдерди сунуштоо жөндөмүн өрчүткөн. Акыркы эки жылдан бери ал студент-насаатчы катары иштеп, студенттерге академиялык пландаштырууда жардам берип жана алардын университеттик жашоого көнүүсүнө колдоо көрсөтүп келет. Link to this block: /kg/p6279647905/#b1425 |
|
СААДАТ ШАРШЕМБИЕВА “Экономика” адистиги, ECO-125 "Сен көргүң келген өзгөрүү бол" Саадат Шаршембиева БААУнун "Экономика" факультетинин 2-курсунун студенти. Ал коомдук илимдерге кызыгып, бош убактысында окуганды, сүрөт тартканды жана достору жана үй-бүлөсү менен убакыт өткөргөндү жакшы көрөт. Студент-насаатчы катары Саадат 1-курстун студенттерине курстарга катталууга жардам берүүнү, иш-чараларды уюштурууга катышууну жана БААУнун студенттеринин окуу тажрыйбаларын жагымдуу жана жеткиликтүү кылууну каалайт. Ал студент-насаатчы катары университеттин өнүгүшүнө салым кошуп, студенттерге жардам берүүнү каалайт. Link to this block: /kg/p6279647905/#b1423 |
|
САТИ КЕНЧИБАЕВА “Эркин өнөр жана илимдер: Европа изилдөөлөрү” адистиги, LAS-ES-123 «Баары жакшы болот» Сати Кенчибаева “ Эркин өнөр жана илимдер” факультетинин 4-курсунун студенти. Ал Германияда бир семестр студенттик алмашуу программысынын алкагында билим алып, жаңы академиялык системаларга жана маданий чөйрөгө ыңгайлашуу процессин тереңирээк түшүнүүгө мүмкүнчүлүк алган. Сати ыктыярчылык ишмердүүлүк менен активдүү алектенет жана университеттеги жаңы окуу жылын баштаган студенттерге жардам берүүгө ар дайым даяр. Алгачкы окуу маалынан тартып бир канча кыйынчылыктарды башынан өткөргөндүктөн, 1-курстун студенттеринин өздөрүн ишенимдүү сезишине, керектүү маалыматты жана колдоону алышына көмөк көрсөтүүнү максат кылат. Студент-насаатчы катары ал өз тажрыйбасы менен бөлүшүп, студенттерге академиялык маселелерди түшүнүүгө жардам берүүнү жана БААУда өздөрүн эркин, ыңгайлуу сезишине шарт түзүүнү көздөйт. Link to this block: /kg/p6279647905/#b1421 |
|
САВЛЕТ НИШАНБЕК КЫЗЫ “Программалык камсыздоо” адистиги, SFW-123 "Жасап өкүнгөн жакшы, жасабай өкүнгөндөн көрө" Нишанбек кызы Савлет «Программалык камсыздоо» факультетинин 4-курсунун студенти. Ал сүрөткө тартканды жана музыкалык аспаптарда ойногонду жактырат, ошондой эле социалдык иштер менен алектенип, активдүү жашоо образын карманат. Биринчи курста окуп баштап студент-насаатчылардын көрсөткөн жардамдары аны абдан шыктандырып, өзү да бул ролду аткарып келет. Студент-насаатчы катары Савлет түз баарлашууга жана студенттерге кош адистик, кичи адистик менен катар университеттин ичинде башка адистикке өтүү боюнча жардам берүүгө басым жасоону каалайт. Link to this block: /kg/p6279647905/#b1420 |
|
ШАРАФАТ ЕРЛАНКЫЗЫ “Программалык камсыздоо” адистиги, SFW-124 "Чыныгы баалуулук саякатта гана эмес, көздөгөн жерине жетүүдө" Шарафат Ерланкызы БААУнун “Программалык камсыздоо” факультетинин 3-курсунун студенти. Ал жаңы нерселерди сынап көрүүнү жана ар кандай иш-чараларга катышууну жакшы көрөт. Ал Академиялык кеңеш берүү борборуна салым кошууну, курстарга жазылуу багытында кеңеш берүүнү каалайт. Ошондой эле, иш-чараларды уюштурууга жана 1-курстун студенттери менен өз тажрыйбасын бөлүшүүгө ынтызар. Андан тышкары, ал Борбордук Европа университетинин жайкы мектебине жана TFAS Прага программасына катышууну пландаштырууда. Анын студент-насаатчы болусунун негизги себеби деп жаңы студенттерге өздөрүн каалагандай сезүүгө жана колдоого жардам берүү жана алардын университетке көнүшүн жеңилдетүү деп тааныйт. Link to this block: /kg/p6279647905/#b1419 |
|
ТИМУР САТАРКУЛОВ “Социология” адистиги, SOC-124 "Чоң күч менен чоң жоопкерчилик келет" Тимур Сатаркулов БААУнун "Социология" факультетинин 3-курсунун студенти. Ал пландоо жана уюштуруу маселелерин чечүүнү жакшы көрөт. Ал Академиялык кеңеш берүү борборунунда курстарга каттоону жана студенттердин университеттин жашоосуна ыңгайлашуусуна жардам бергиси келет. Resident Evil оюндарынын сериясына болгон кызыгуусу аны сабырдуулукка, ресурстарды натыйжалуу башкарууга жана кысым астында да кийинки кадамдарды ойлонууга үйрөттүп келет. Тимурдун бул көндүмдөрү студенттерге түшүнүктүү көрсөтмөлөрдү берүү үчүн пайдаланууга жардам берет. Анын студент-насаатчы болуусу студенттердин университеттик жашоого жана курстарга каттоо учурунда маселелерди чечүүгө жардам берет. Link to this block: /kg/p6279647905/#b1418 |
|
ВАЛЕРИЯ ПАН Адистиги: Колдонмо математика жана информатика, AMI-123 «Ар бир ийгиликсиз аракет - бул дагы бир алдыга жасалган кадам» – Томас Эдисон Пан Валерия БААУнун “Колдонмо математика жана информатика” факультетинин 4-курсунун студенти. Ал достору менен топто окуганды жана башка студенттерге академиялык жактан колдоо бергенди жакшы көрөт. Окуудан тышкары, Валерия музыка угууга, сүрөт тартууга жана жаңы жерлерди изилдөөгө кызыгат. Студент-насаатчынын ролунда Валерия студенттер колдоону жана түшүнүүнү сезгенде потенциалын эң жакшы ачат деп эсептейт. Ал өзүнүн тажрыйбасы менен бөлүшүп, башкаларга академиялык жана жеке кыйынчылыктарды жеңүүгө жардам берүүдөн мотивация алат. Мындан тышкары, ар түрдүү тажрыйбасы бар жаңы адамдар менен таанышуу ага абдан кызыктуу. Link to this block: /kg/p6279647905/#b1417 |
|
ВАСИЛИЙ ЧЕВЕЛЕВ “Антропология жана эл аралык өнүгүү” адистиги, ANTH-124 "Ылдамдык - бул жай, бирок үзгүлтүксүз" Василий Чевелев "Антропология жана эл аралык өнүгүү" факультетинин 3-курсунун студенти. Ал 1-курстан баштап сабактан тышкаркы иш-чараларга активдүү катышат жана башка студенттерге академиялык жашоодо багыт алууга жардам берүүнү жакшы көрөт. Академиялык кеңеш берүү борборунун алкагында студенттерге пайда болгон маселелер боюнча кеңеш берүүнү жана академиялык ийгиликке арналган иш-чараларды уюштурууну каалайт. 2026-2027-окуу жылынын жазгы семестринде ал Гонконг университетинин алмашуу программасына катышууну пландаштырууда. Василий студент-насаатчы катары студенттерге өздөрүнүн академиялык жашоосун каалагандай натыйжалуу кылууга жардам берүүнү каалайт. Link to this block: /kg/p6279647905/#b1416 |
|
ЯСМИНА ОРОЗАЛИЕВА “Психология” адистиги, PSY-125 "Адам бойдон калып, сулуулукту байкап, сезүүнү эч качан токтотпогула" Ясмина Орозалиева БААУнун "Психология" факультетинин 2-курсунун студенти. Ал адамдын акыл-эсине жана жүрүм-турумуна терең кызыгат жана келечекте клиникалык психолог болууну каалайт. Академиялык кеңеш берүү борборунда ал студенттерге курстарды тандоо жана сабактарга катталууга жардам берүүнү, ошондой эле академиялык кыйынчылыктарга дуушар болгон 1-курстун студенттерине насаатчы болууну каалайт. Ясмина өз тажрыйбасынын негизинде башка студенттерге колдоо канчалык маанилүү экенин жакшы билет. Ал студент-насаатчы катары жаңы студенттер үчүн окуу процессинде ишенимдүү багыт берип, колдоо жана жардам берүүнү каалайт. Link to this block: /kg/p6279647905/#b1415 |
|
ЗАХРА РАДЖАБИ “Эркин өнөр жана илимдер” факультети, Социалдык ишкердик жана дизайндык ой жүгүртүү; кошумча адистиги: Психология, LAS-SE-123 «Мен баары жакшы өнүгүп жатканына жана мага арналган нерсе мени таба турганына ишенем» Раджаби Захра “Эркин өнөр жана илимдер” факультетинин 4-курсунун студенти. Ал 2024-жылдан бери студент-насаатчы болуп иштейт. Англис тилин окутуу тажрыйбасы ага студенттер менен натыйжалуу баарлашууну үйрөнүүгө жардам берип келет. Ал студенттерди угуп, алардын муктаждыктарын түшүнгөндү жакшы көрөт. Захра Академиялык кеңеш берүү борборунун иш-чараларына катышып, иш-чараларды уюштурууга жана пайдалуу маалыматтар менен бөлүшүүгө жардам бергиси келет. Захранын студент-насаатчы болушунун негизги себеби - студенттерге университеттин эрежелерин жана саясатын түшүнүүгө жардам берүү каалоосу болуп саналат. Link to this block: /kg/p6279647905/#b1414 |
